पोखरा । संयुक्त राष्ट्रिय सुकुमवासी मोर्चाले सरकारले बल प्रयोग गरेर बस्ती हटाउन खोजे प्रतिवाद गर्ने चेतावनी दिएको छ।
बिहीबार दिउँसो शंखमुलस्थित एक कार्यालयमा बसेको मोर्चाको बैठकमा सरकारको सम्भावित कदमबारे छलफल गरिएको हो। मोर्चाका उपाध्यक्ष पवन गुरुङका अनुसार सञ्चारमाध्यममा बस्ती हटाउने तयारीबारे समाचार आएपछि आकस्मिक बैठक बसिएको हो।
‘बैठकमा सुरुमा सरकारको निर्णय आधिकारिक हो वा होइन भन्ने विषयमा छलफल भयो,’ गुरुङले भने, ‘यदि निर्णय पुष्टि भयो र बल प्रयोग गरेर बस्ती उठाउने प्रयास गरियो भने हामी प्रतिरक्षाका लागि जे पनि गर्न तयार छौँ। जसरी पनि प्रतिरोध गर्छौँ।’ उता प्रधानमन्त्री केपी शर्मा ओलीले सुरक्षा निकायका प्रमुखहरूसँग छलफल गर्दै आउँदो शनिबार र आइतबार सुकुमवासी बस्ती खाली गराउने निर्देशन दिएको बताइएको छ।
